El Grupu de Baille San Félix va siguir celebrando los sos 40 años d’esistencia a lo llargo de 2023.
Depués del éxitu del Bailla na Plaza solidariu col Bancu d’Alimentos d’Asturies del mes de marzu (que recoyó en 5 hores más de 1.600 euros), agora va centrase en dellos talleres que se van facer na capital carreñina nos próximos meses.
El pimeru va ser el próximu sábadu 11 de marzu a les 11,30 hores en SOFECA. La etnógrafa Rosa Fernández va deprender a los/es interesaos/es dellos toques de payel.la, Un instrumentu de percusión propiu de los vaqueiros fechu col sartén de mangu llargu tocáu con una llave.
L’actividá va facese nel primer pisu de La Baragaña (enriba d’Helados Helio Hermanos) y tien un preciu de 11 euros. Pa más información y matrícula hai que comunicase per Whatsapp col númberu 676804369.
Los siguientes talleres van facese a lo llargo de los meses d’abril, mayu y setiembre, siempre venceyaos cola cultura asturiana.