La Conseyería d’Educación, Cultura y Deporte formalizó güei el conveniu col Conceyu de Somiedu pol cual vence a ésti, por aciu concesión demanial, la xestión de dos cases de teito d’escoba asitiaes na localidá de Veigas ya inscrites dientro del ámbitu del Ecomuséu de Somiedu.
La conseyera, Ana González, señaló esi equipamientu como “un referente de la divulgación etnográfica nel Suroccidente d’Asturies” y añedió que con esti conveniu refréndase la llabor realizáu tantu por el mesmu Ecomuséu como pol Conceyu de Somiedu. De la mesma, Ana González quixo destacar la importancia de proyectos como’l del Ecomuséu, que “traen el pasáu al presente pa proxectalo sobre’l futuru”.
La firma del conveniu precedió a la inauguración de la esposición fotográfica Semeyes con animales, 1890-1990, realizada en collaboración col Muséu del Pueblu d’Asturies. Al actu tamién asistió’l viceconseyeru de Cultura y Deporte, Alejandro Calvo.
Los dos inmuebles que’l Gobiernu del Principáu vence al Conceyu de Somiedu, por un plazu de quince año prorrogables, son una casa de forma irregular y un edificiu de planta rectangular d’un solu pisu, dambos con cubierta de teito.