El Conseyu de Gobiernu autorizó un conveniu de collaboración ente la conseyería d’Educación, Cultura y Deporte, y el monesteriu uvieín de Les Pelayas (el Real Monesteriu de San Pelayo, formáu por monxes benedictines) pal sostenimientu de los gastos xeneraos pola apertura d’una sala d’investigadores del Arquivu Históricu del Monesteriu.
Na actualidá, l’únicu arquivu eclesiásticu-monacal calteníu n’Asturies ye’l de Les Pelayas. El Gobiernu del Principáu y el Real Monesteriu collaboraron na puesta en marcha y caltenimientu d’una sala d’investigadores. Col nuevu conveniu, l’horariu selmanal d’apertura queda afitáu en cinco hores selmanales, distribuyíes en dos díes y a un costu de 12,75 euros per hora. El conveniu sustitúi a tolos efectos al suscritu en 2013 y va tar vixente hasta’l 31 de marzu de 2015.