L’Academia de la Llingua Asturiana publicó’l númbero 32 de la so revista Lliteratura, qu’anguaño ufierta aportaciones d’una ventena d’autores en dellos xéneros, principalmente la poesía, pero tamién la crítica lliteraria, l’ensayu, la narrativa, y hasta una versión llibre de Miguel De cullá de ‘La carretilla colorada’, poema de Williams Carlos Williams.
Destaca la sección de poesía, con más de 25 poemes d’autores como Berta Piñán, Luis Salas Riañu, Raquel Fernández Menéndez o José Luis Rendueles.
Apurren los sos cuentos el narradores Ángel Álvarez Llanu, Diego Nieto, Elisabet Felgueroso, Xuan Porta y Josep Carles Laínez. Incorpórense tamién tres ensayo sobre la lliteratura infantil y xuvenil, de Vicente García Oliva; sobre l’escritor, historiador y poeta José Caveda y Nava, al que Xuan Xosé Sánchez Vicente describe como «l’inventor de la lliteratura n’asturiana»; y sobre los relatos de ciencia ficción n’asturianu, per parte de Víctor Suárez Piñero.
Marta Mori inclúi tamién una crítica de la obra Crónica de la lluz y la solombra’, cola qu’Antón García llogró’l premiu Xoxefa Xovellanos de novela en 2015.