Connect with us

Hi, what are you looking for?

Asturias

Carlos González Espina lleva’l Premiu María Josefa Canellada de Lliteratura Infantil y Xuvenil en llingua asturiana

L’escritor Carlos González Espìna resultó ganador del Premiu María Josefa Canellada, que con una dotación de 3.000 euros concede la Conseyería d’Educación, Cultura y Deporte del Principáu d’Asturies. A esti gallardón, qu’algama la so séptima edición, podíen presentase obres de lliteratura infantil o xuvenil, con independencia de que se tratara de noveles, compilaciones de cuentos, obres de teatru o poemarios, siempres que los testos fueren inéditos y tuvieren una estensión mínima de doscientos cincuenta versos pa la poesía y de trenta páxines a espaciu doble pa los demás xéneros.

El xuráu encargáu de valorar los ocho trabayos presentaos axuntó a les 12.00 hores de güei, 10 de payares del 2014, na Casa la Cultura de Santoloya (Cabranes), baxo la presidencia de la directora xeneral de Política Llingüística, Ana María Fueyo Llaneza, y cola participación de les escritores y especialistes en lliteratura infantil y xuvenil Lourdes Álvarez García, Iris Díaz Trancho y Marisa López Diz. Ente los miembros del xuráu figuraben, amás, l’alcalde de Cabranes, Gerardo Fabián Llavona; y Alonso Zamora Canellada, fíu de la escritora María Josefa Canellada, que da nome al gallardón.

Ente les obres presentaes, el xuráu decidió por unanimidá conceder el Premiu al testu tituláu Cápsules de tiempu, destacando, según consta nel acta «la calidá del rexistru llingüísticu y el dominiu d’un estilu narrativu autorreferencial col que se desenvuelve una hestoria unitaria, pensada n’asturianu y de gran capacidá didáctica».

Carlos González Espina, llicenciáu en Lliteratura y bibliotecariu, desempeña actualmente’l so llabor na Fundación Municipal de Cultura del Conceyu de Xixón. Ye autor de bien d’artículos y reseñes en revistes especializaes, amás de publicar los llibros El Café Gijón (2001) y La Comedia Gijonesa (2001). Foi fundador, con Marina Lobo, de Llibros del Pexe, una de les primeres editoriales de llibros n’asturianu. Nella centróse sobre manera na traducción a esta llingua d’obres de lliteratura infantil y xuvenil, anque tamién firmó títulos como El curiosu alcuentru de don Quixote y la Princesa del Arbeyu (2005). El so últimu trabayu pal públicu infantil ye Falar ensin parar (2014).

Más Noticias

ETD

Hoy en nuestro diario, Candás 365, les ofrecemos una nueva entrega del programa semanal “España Tiempos Difíciles”, dirigido y presentado por Pablo Barrón, que puede...

Deporte

Faltando tan solo 2 meses para la ceremonia inaugural de los Juegos Olímpicos, y aun cuando todo está preparado en Tokio, los ciudadanos del...

Deporte

(EP) – España se clasificó para las semifinales de la Eurocopa 2020 tras dejar este viernes en el camino a Suiza, con la que...

ETD

Hoy en Candás 365, les ofrecemos una nueva entrega del programa semanal “España Tiempos Difíciles”, dirigido y presentado por Pablo Barrón, y que puedes seguir...