La Conseyería de Desenvolvimientu Rural y Recursos Naturales va subvencionar con 3,7 millones d’euros les inversiones d’empreses privaes y de propietarios destinaes al desenvolvimientu de les zones forestales d’Asturies. Esta partida, cofinanciada pol Principáu d’Asturies, el fondu européu Feader y el Ministeriu d’Agricultura, ye tresañal y distribúyese de la siguiente forma:
– 2016: 500.000 euros.
– 2017: 3.200.000 euros.
El Boletín Oficial del Principáu d’Asturies (BOPA) va publicar nos próximos díes la convocatoria p’aportar a estes ayudes, que la so finalidá ye aguiyar la realización de trabayos de plantíu de montes, según el cuidu y meyora de los terrenes forestales per parte de los sos propietarios.
El Principáu va subvencionar el 100% de la inversión de los proyectos destinaos a reforestación y creación de superficies forestales, y prevención y arreglu de daños nos montes por quemes, según la redacción de documentos técnicos de xestión forestal.
Les iniciatives empobinaes a la creación y caltenimientu de sistemes agroforestales van tener una subvención del 80%. Esta llínea d’ayuda, de nueva creación, tien como oxetivu contribuyir a la creación de sistemes nos que se compatibilice l’aprovechamientu forestal y ganaderu de los montes.
Amás, Desenvolvimientu Rural va subvencionar con un 40% les inversiones pa realizar tratamientos selvícolas en mases forestales yá establecíes.