{"id":4432,"date":"2014-10-27T13:53:36","date_gmt":"2014-10-27T15:53:36","guid":{"rendered":"http:\/\/candas365.es\/noticias\/?p=4432"},"modified":"2014-10-27T13:53:36","modified_gmt":"2014-10-27T15:53:36","slug":"el-principau-reclama-al-gobiernu-despana-una-defensa-firme-de-les-ayudes-al-puertu-del-musel","status":"publish","type":"post","link":"https:\/\/candas365.es\/noticias\/el-principau-reclama-al-gobiernu-despana-una-defensa-firme-de-les-ayudes-al-puertu-del-musel\/","title":{"rendered":"El Princip\u00e1u reclama al Gobiernu d’Espa\u00f1a una defensa \u201cfirme\u201d de les ayudes al puertu d’El Musel"},"content":{"rendered":"
La conseyera de Fomentu, Ordenaci\u00f3n del Territoriu y Mediu Ambiente, Bel\u00e9n Fern\u00e1ndez, unvi\u00f3 esta ma\u00f1ana una carta al ministru de Facienda, Crist\u00f3bal Montoro, na que solicita informaci\u00f3n y reclama una defensa firme y rigorosa\u201d sobre les ayudes al puertu d’El Musel. Esti pidimientu produzse dempu\u00e9s de que’l Gobiernu auton\u00f3micu conociera esta fin de selmana per los medios de comunicaci\u00f3n que la Comisi\u00f3n Europea decidir\u00eda retirar al puertu d’El Musel la subvenci\u00f3n concedida de 247,5 millones d’euros, 198 y\u00e1 abonaos, pa la execuci\u00f3n de les obres d’ampliaci\u00f3n. Esta decisi\u00f3n adoptar\u00edase n’analizando la Comisi\u00f3n l’informe unvi\u00e1u pol Ministeriu de Facienda y Alministraciones P\u00fabliques, colos argumentos remanaos pol Tao frente al informe de la Oficina Antifraude de la Uni\u00f3n Europea (OLAF), qu’afirmaba irregularidaes y encamentaba esixir la devoluci\u00f3n de les ayudes.<\/p>\n
Pa la conseyera, esta defensa tami\u00e9n tien de tar \u201cbien documentada\u201d, col fin de \u201cllograr un camb\u00e9u radical de posici\u00f3n pola Comisi\u00f3n que dexe -como supongo que tanto l’Est\u00e1u como’l Princip\u00e1u d’Asturies deseyamos-, evitar la correcci\u00f3n y judicializaci\u00f3n del asuntu y devolver el prest\u00edu a les instituciones nacionales, nestos momentos bien cuestionaes dende la Uni\u00f3n Europea\u201d. Fern\u00e1ndez considera necesaria esa defensa per parte del Gobiernu d’Espa\u00f1a, \u201csacantes dende esa instancia asumir los planteamientos conten\u00edos nel informe de la OLAF y les consecuencies por ella encamentaes\u201d.<\/p>\n
Na so misiva, la titular de Fomentu repite al Est\u00e1u la necesid\u00e1 de \u201cpasar p\u00e1xina al d\u00e9ficit d’informaci\u00f3n\u201d y encamienta a tratar esta tema \u201ccon tresparencia, llealt\u00e1 institucional y rigor na defensa de los intereses del Est\u00e1u y del puertu de Xix\u00f3n\u201d.<\/p>\n
Nesti sent\u00edu, el Gobiernu asturianu solicita recibir la documentaci\u00f3n unviada pola Comisi\u00f3n Europea, na que supuestamente se motivar\u00eda la esixencia a El Musel de devoluci\u00f3n de les ayudes europees y negar\u00edase l’abonu de les rimaes. Tami\u00e9n pide conocer les ll\u00ednees emplegaes pol ministeriu pa la defensa de los intereses d’Espa\u00f1a y de El Musel el pas\u00e1u xunu ante la DG Regio frente al informe de la OLAF; seg\u00fan les ll\u00ednees de defensa que d’equ\u00ed p’arriba va utilizar l’Executivu espa\u00f1ol ante’l comu\u00f1al.<\/p>\n
Bel\u00e9n Fern\u00e1ndez recuerda na so carta que la noticia apaecida’l s\u00e1badu nos medios de comunicaci\u00f3n, \u201cmala ensin paliativos\u201d, caus\u00f3 \u201cmalestar y plasmu\u201d nel Gobiernu d’Asturies. Malestar porque, seg\u00fan esplica la titular de Fomentu, \u201ca pesar de la repitida volunt\u00e1 de cooperaci\u00f3n que los amosemos pola trescendencia del Puertu de Xix\u00f3n pal desenvolvimientu y crecedera en tolos niveles de la nuesa comunid\u00e1 aut\u00f3noma, asistimos de nuevu a un inadmitible xestu de desllealt\u00e1 institucional, al nun comunicase nos por neng\u00fan mediu una decisi\u00f3n que’l so cal\u00e1u esix\u00eda una acuciosa puesta en conocencia dende Gobiernu central, tantu al Princip\u00e1u d’Asturies como a l’Autorid\u00e1 Portuaria\u201d. Y plasmu porque, \u201cde confirmase los conten\u00edos qu’apaecieron na informaci\u00f3n period\u00edstica, tar\u00edamos ante la m\u00e1s dr\u00e1stica de les posiciones que la Comisi\u00f3n Europea podr\u00eda adoptar, que ye la de la devoluci\u00f3n total de l’ayuda percibida y la cancelaci\u00f3n del derechu a llograr la rimada, venceyada a l’apreciaci\u00f3n d’irregularidaes tantu nel procesu de contrataci\u00f3n y axudicaci\u00f3n de les obres como nel control y xustificaci\u00f3n del gastu\u201d, se\u00f1ala Fern\u00e1ndez.<\/p>\n
La conseyera aprofia que, a la vista de la posici\u00f3n de la Uni\u00f3n Europea coincidente cola OLAF, \u201csurdir numberosos interrogantes alrodiu de los argumentos qu’ustedes remanar\u00eden en xunu ante la mesma, supuestamente en defensa de los intereses patrimoniales del Reinu d’Espa\u00f1a y de l’actuaci\u00f3n de diverses instancies ministeriales y de l’Autorid\u00e1 Portuaria de Xix\u00f3n\u201d.<\/p>\n
Fern\u00e1ndez concl\u00fai treslladando nuevamente la \u201cplena volunt\u00e1 de cooperaci\u00f3n\u201d del Executivu asturianu, \u201ccon cuenta de caltener una canal permanente de trabayu y comunicaci\u00f3n en redol a esti procesu de defensa d’intereses comunes, incorporando la imprescindible participaci\u00f3n nel mesmu de l’Autorid\u00e1 Portuaria de Xix\u00f3n y el so conseyu d’alministraci\u00f3n\u201d.<\/p>\n","protected":false},"excerpt":{"rendered":"
La conseyera de Fomentu, Ordenaci\u00f3n del Territoriu y Mediu Ambiente, Bel\u00e9n Fern\u00e1ndez, unvi\u00f3 esta ma\u00f1ana una carta al ministru de Facienda, Crist\u00f3bal Montoro, na que solicita informaci\u00f3n y reclama una defensa firme y rigorosa\u201d sobre les ayudes al puertu d’El Musel. Esti pidimientu produzse dempu\u00e9s de que’l Gobiernu auton\u00f3micu conociera esta fin de selmana per<\/p>\n","protected":false},"author":1,"featured_media":4433,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[7],"tags":[],"class_list":{"0":"post-4432","1":"post","2":"type-post","3":"status-publish","4":"format-standard","5":"has-post-thumbnail","7":"category-asturias"},"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t
![\"puerto-el-musel\"](\"https:\/\/candas365.es\/noticias\/wp-content\/uploads\/2014\/10\/puerto-el-musel.jpg\")
La conseyera de Fomentu, Ordenaci\u00f3n del Territoriu y Mediu Ambiente, Bel\u00e9n Fern\u00e1ndez, unvi\u00f3 esta ma\u00f1ana una carta al ministru de Facienda, Crist\u00f3bal Montoro, na que solicita informaci\u00f3n y reclama una defensa firme y rigorosa\u201d sobre les ayudes al puertu d’El Musel. Esti pidimientu produzse dempu\u00e9s de que’l Gobiernu auton\u00f3micu conociera esta fin de selmana per los medios de comunicaci\u00f3n que la Comisi\u00f3n Europea decidir\u00eda retirar al puertu d’El Musel la subvenci\u00f3n concedida de 247,5 millones d’euros, 198 y\u00e1 abonaos, pa la execuci\u00f3n de les obres d’ampliaci\u00f3n. Esta decisi\u00f3n adoptar\u00edase n’analizando la Comisi\u00f3n l’informe unvi\u00e1u pol Ministeriu de Facienda y Alministraciones P\u00fabliques, colos argumentos remanaos pol Tao frente al informe de la Oficina Antifraude de la Uni\u00f3n Europea (OLAF), qu’afirmaba irregularidaes y encamentaba esixir la devoluci\u00f3n de les ayudes.<\/p>\n