{"id":29392,"date":"2016-05-27T05:11:14","date_gmt":"2016-05-27T03:41:14","guid":{"rendered":"http:\/\/candas365.es\/noticias\/?p=29392"},"modified":"2016-05-27T05:11:14","modified_gmt":"2016-05-27T03:41:14","slug":"la-xunta-xeneral-de-cogersa-aprueba-les-cuentes-de-2015","status":"publish","type":"post","link":"https:\/\/candas365.es\/noticias\/la-xunta-xeneral-de-cogersa-aprueba-les-cuentes-de-2015\/","title":{"rendered":"La xunta xeneral de Cogersa aprueba les cuentes de 2015"},"content":{"rendered":"
La xunta xeneral de la Compa\u00f1\u00eda pa la Xesti\u00f3n de Borrafes S\u00f3lides d’Asturies, Socied\u00e1 An\u00f3nima Unipersonal (Cogersa SAU), presidida pola conseyera d’Infraestructures, Ordenaci\u00f3n del Territoriu y Mediu Ambiente, Bel\u00e9n Fern\u00e1ndez, aprob\u00f3 g\u00fcei la cuenta a\u00f1al del exerciciu 2015, nel que se llogr\u00f3 un beneficiu dempu\u00e9s d’impuestos de 3.437.295,64 euros. La socied\u00e1 ye propied\u00e1 del consorciu del mesmu nome, esto ye, de los 78 conceyos asturianos y de l’alministraci\u00f3n auton\u00f3mica. Nel grupu empresarial figuren, am\u00e1s, la socied\u00e1 filial Prote\u00ednes y Grases del Princip\u00e1u Socied\u00e1 An\u00f3nima (Proygrasa) y una participaci\u00f3n del 50% nel accionariado de la empresa Bioastur Agrupaci\u00f3n d’Inter\u00e9s Econ\u00f3micu (Bioastur AIE).<\/p>\n
La resultancia del exerciciu 2015 ye llixeramente inferior a los 3.443.937,23 euros de 2014. L’importe de la cifra de negocios xubi\u00f3 a 37.127.878,15 euros qu’equivalen a un 5,1% m\u00e1s que l’a\u00f1u anterior (35.325.798,59 euros nel 2014). La resultancia d’esplotaci\u00f3n aument\u00f3 un 15,8% p’asitiase en 3.391.786,59 euros, frente a los 2.926.863,76 euros de 2014; pero mengu\u00f3 notablemente’l beneficiu d’orixe financieru al pasar de 814.251,36 euros a 170.742,36 euros.<\/p>\n
El 58% de los ingresos de Cogersa SAU (21.551.546,22 euros) ta rellacion\u00e1u cola recoyida y tratamientu de borrafes non peligroses. Nellos incl\u00fayense la retirada y tresporte de la basura urbana hasta Ser\u00edn o hasta los nueve aparques de tresferencia, un serviciu que’l consorciu realiza en 40 conceyos y el dep\u00f3situ nel vertideru de La Zoreda, pero tami\u00e9n otros servicios como’l tratamientu de folles de depuradora que s’empresta al consorciu d’ag\u00fces Cadasa y los restos non peligrosos d’orixe empresarial.<\/p>\n
La recoyida separada de borrafes y la so clasificaci\u00f3n pal reciclaje representa’l 16,5% de l’activid\u00e1 econ\u00f3mica de Cogersa, un total de 6.129.253,42 euros. Per otru llau, la vienta de materiales reciclaos supunxo ingresos de 2.862.434,71 euros, casi’l 8% del total.<\/p>\n
Na cuenta de perdes y ganancies destaquen unos gastos de 1.033.566,28 euros en mid\u00edes pa embrivir y controlar l’impactu ambiental de les instalaciones de tratamientu de borrafes, con acciones rellacionaes cola depuraci\u00f3n de lixiviados; anal\u00eds d’agua, aire y suelos, o’l control del ruiu.<\/p>\n
Nel mesmu estrem\u00e1u de gastos rellacionaos col mediu ambiente t\u00e1n les provisiones pa cubrir nun futuru, y mientres m\u00e1s de 30 a\u00f1os, los gastos de caltenimientu y clausura que van xenerar los tr\u00e9s vertideros que Cogersa esplota una vegada fueren cerraos al usu. El Real Decreto 1481\/2001 de 27 d’avientu, pol que se regula la eliminaci\u00f3n de borrafes por aciu dep\u00f3situ en vertideru, establez qu’estes reserves son obligatories y la socied\u00e1 p\u00fablica dedic\u00f3 a les mesmes un total de 3.851.268 euros en 2015, que alcen la cantid\u00e1 total provisionada a 66.451.176 euros pa los dep\u00f3sitos de borrafes non peligroses (valle de La Zoreda), borrafes peligroses y borrafes de construcci\u00f3n y baltadera.<\/p>\n
La xunta d’accionistes alcord\u00f3 aplicar la resultancia del exerciciu a reserves, de forma que a 31 d’avientu la cuant\u00eda total del patrimoniu netu ser\u00eda de 51.710.835,97 euros (48.277.272,73 euros en 2014).<\/p>\n
Aumenta la llegada de borrafes<\/p>\n
Coles mesmes, per segundu a\u00f1u consecutivu Cogersa rexistr\u00f3 una xubida nel total a\u00f1al de borrafes que lleguen al Centru de Tratamientu de Ser\u00edn. A lo llargo de 2015 contabiliz\u00e1ronse 839.470 tonelaes, un 9,28% m\u00e1s qu’en 2014. La medr\u00eda foi especialmente significativu nel casu de les borrafes de construcci\u00f3n y baltadera, qu’aumentaron casi un 28% si comparen les 135.666 tonelaes de 2014 coles 173.445 tonelaes d’esti \u00faltimu a\u00f1u. Los restos peligrosos que van a les plantes de tratamientu f\u00edsicu-qu\u00edmicu y de estabilizaci\u00f3n antes del so dep\u00f3situ nel vertideru de segurid\u00e1 aumentaron un 24,6% al pasar de 28.795 tonelaes en 2014 a 35.869 l’a\u00f1u pas\u00e1u.<\/p>\n
Nel llau opuestu, son significatives les baxaes d’un 9,5% na llegada de borrafes hospitalaries de riesgu que’l so dest\u00edn ye la planta d’incineraci\u00f3n y de los restos vexetales y cuchos que lleguen a la nave de compostaje, y qu’escayen un 6,6%.<\/p>\n
Cogersa destin\u00f3 a preparaci\u00f3n pal reciclaje, al compostaje o a la valorizaci\u00f3n enerx\u00e9tica (incineraci\u00f3n con aprovechamientu del calor pa xenerar eletricid\u00e1) el 31,33% de les borrafes totales recib\u00edos, esto ye, 262.977 tonelaes, que son un 12% m\u00e1s que les 234.670 tonelaes recuperaes en 2014.<\/p>\n
La xunta xeneral de la Compa\u00f1\u00eda pa la Xesti\u00f3n de Borrafes S\u00f3lides d’Asturies, Socied\u00e1 An\u00f3nima Unipersonal (Cogersa SAU), presidida pola conseyera d’Infraestructures, Ordenaci\u00f3n del Territoriu y Mediu Ambiente, Bel\u00e9n Fern\u00e1ndez, aprob\u00f3 g\u00fcei la cuenta a\u00f1al del exerciciu 2015, nel que se llogr\u00f3 un beneficiu dempu\u00e9s d’impuestos de 3.437.295,64 euros. La socied\u00e1 ye propied\u00e1 del consorciu<\/p>\n","protected":false},"author":1,"featured_media":7595,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[7],"tags":[],"class_list":{"0":"post-29392","1":"post","2":"type-post","3":"status-publish","4":"format-standard","5":"has-post-thumbnail","7":"category-asturias"},"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t
![\"cogersa\"](\"https:\/\/candas365.es\/noticias\/wp-content\/uploads\/2015\/02\/cogersa-360x167.jpg\")
La xunta xeneral de la Compa\u00f1\u00eda pa la Xesti\u00f3n de Borrafes S\u00f3lides d’Asturies, Socied\u00e1 An\u00f3nima Unipersonal (Cogersa SAU), presidida pola conseyera d’Infraestructures, Ordenaci\u00f3n del Territoriu y Mediu Ambiente, Bel\u00e9n Fern\u00e1ndez, aprob\u00f3 g\u00fcei la cuenta a\u00f1al del exerciciu 2015, nel que se llogr\u00f3 un beneficiu dempu\u00e9s d’impuestos de 3.437.295,64 euros. La socied\u00e1 ye propied\u00e1 del consorciu del mesmu nome, esto ye, de los 78 conceyos asturianos y de l’alministraci\u00f3n auton\u00f3mica. Nel grupu empresarial figuren, am\u00e1s, la socied\u00e1 filial Prote\u00ednes y Grases del Princip\u00e1u Socied\u00e1 An\u00f3nima (Proygrasa) y una participaci\u00f3n del 50% nel accionariado de la empresa Bioastur Agrupaci\u00f3n d’Inter\u00e9s Econ\u00f3micu (Bioastur AIE).<\/p>\n